5-р сарын 3-ны өдрийн хөтөлбөрийн цагийн хуваарь (Хөтөлбөрийн агуулга, огноо, цаг нь өөрчлөгдөх магадлал буй)

13:00 Нээлтийн үйл ажиллагаа
“Хаврын Баяр 2021” Зохион байгуулах хорооны дарга М. Ууганбаяр-ын мэндчилгээ
Монгол улсаас Япон улсад суугаа Онц бөгөөд Бүрэн эрхт Элчин сайд Д.Батжаргал мэндчилгээ
“Хаврын Баяр 2021” Зохион байгуулах хорооны мэндчилгээ

13:20 Гайхамшигтай Монгол дуу хөгжим!
Уртын дуу: Н.Ариунцэцэг
Морин хуур: А.Бат-очир
Монгол ардын бүжиг: Наран цацал хамтлаг болон Сато Жүнко гоцлол
Уран нугараач: А.Нинжин
Хөөмий болон ярилцлага: Б.Болд-эрдэнэ

14:00 Монгол руу хамтдаа хамтдаа явж үзэцгээе!
Виртуал Хархорин
Зуны Монгол – Өвлийн Монгол

14:10 Монгол хоолны ресторанд хоол идсэн нь
MJ はうす

14:25 Япон улсад суугаа Монголчууд
ЯМОХ – Япон дахь Монгол Оюутнуудын Холбоо

14:30 Загварын үзүүлбэр

NAURA брэнд болон ноолууран хувцасны загварын үзүүлбэр
ZURA брэнд болон кимоно хувцасны загварын үзүүлбэр

14:50 Монгол үндэсний хөгжимд дуртай Япон хүмүүс
Уртын дуу: Ито Майко
Хөөмий: Дарханчин Мүраками Коожи
Морин хуур: Мияазаки Сарүгэй
Морин хуурын тайлбар: Мицүй Норико
Морин хуурын үзүүлбэр: Үүлэн бор хамтлаг
Монгол үндэсний хөгжмийн цөөхүүл: Их татлага

15:30 Монгол академи 1
Япон ба Монгол: Өнгөрсөн – Одоо – Ирээдүй
Шимизү Такэнори (Чуо их сургуулийн худалдааны факультетийн тусгайлан томилсон профессор, Япон улсаас Монгол улсад суугаа онц бөгөөд бүрэн эрхт элчин сайд асан)

16:25 Монгол академи 2
Монголын тал хээр цөлжиж байгаа юу?
Накано Томоко (Чуо их сургуулийн эдийн засгийн факультетийн профессор)

17:10 Эхний өдрийн хөтөлбөр дуусна

↓ Онлайн Хаврын баярыг доорхи холбоосоор хүлээн авж үзээрэй.↓

Хаврын баяр эхний өдөр（5/3  13:00〜15:30）

YouTubeLive　https://www.youtube.com/watch?v=1eD7oAtcb9E

FacebookLive　https://www.facebook.com/events/488038312386923

Монгол Академи эхний өдөр（5/3  15:20〜17:10）

ZOOM холбоос: https://bit.ly/32NXzre

Meeting ID: 973 6725 5191

Passcode: Haruma2021

“Монгол Академи” нь Монголын тухай ойлголтыг гүнзгийрүүлэхэд чиглэсэн илтгэл бөгөөд Хаврын Баярын хамгийн онцлох булангуудын нэг юм.

Анх 2006 онд зохиогдсон цагаасаа хойш өдгөө олон хүний дэмжлэгтэйгээр маш үнэ цэнэтэй илтгэлүүдийг, нэжгээд олон хүмүүсийн сонорт хүргэсээр ирсэн билээ.

Энэ жил ч гэсэн шилдэг профессорууд өөрсдийн илтгэлээ танилцуулна.

1 дэх өдөр: 

1. Профессор Шимизү Такэнори (Чуо Их сургуулийн Худалдааны факультетын профессор, Монгол Улсад суугаа Онц бөгөөд Бүрэн эрхт Элчин сайд асан), 
2. Профессор Накано Томоко (Чуо Их Сургуулийн Эдийн засгийн факультетын профессор) 

2 дахь өдөр: 

1. Профессор Арай Юкиясү (Хоккайдо Их Сургуулийн Славян Судалгааны Төв, 21-р зууны COE судлаач, Хитоцүбашийн их сургууль, Азийн их сургууль, Шибаура технологийн дээд сургууль, Аояама Гакуин их сургуулийн орон тооны бус багш),
2. Профессор Тэрао Моэ (Токио Метрополитан Их Сургуулийн Хүмүүнлэгийн ухааны дээд сургуулийн профессор).

Та ZOOM ээр холбогдон бүх илтгэлийг үнэгүй сонсох боломжтой. Маш үнэ цэнэтэй мэдээлэл сонсох боломж тул та бүхэн цаг гарган сонсоорой.

Монгол Академи-д хэрхэн хамрагдах вэ?

1. Урьдчилсан бүртгэл хийх шаардлагагүй. Илтгэл унших цаг болоход доорх ZOOM холбоос дээр даран орно уу 
2. Илтгэлийн үеэр микрофоноо хаана уу.
3. Илтгэлийн дараа 15 минутын асуулт хариулт явагдана. Хэрэв танд асуулт байвал илтгэлийн үеэр бидэнд чатаар илгээнэ үү. Зохицуулагч нь асуултуудыг авч, таны асуултыг танилцуулах болно.

1 дэх өдөр (5-р сарын 3, 15:30 – 17:10, Япон цагаар)

ZOOM URL: https://bit.ly/32NXzre

Мeeting ID: 973 6725 5191 

Нууц код: Haruma2021

1. “Япон ба Монгол: Өнгөрсөн-Одоо-Ирээдүй”

Шимизү Такэнори (Чуо их сургуулийн Худалдааны факультетын тусгайлан томилогдсон профессор, Монгол Улсад суугаа Онц бөгөөд Бүрэн эрхт Элчин сайд асан)

өнгөрсөн ба өнөөгийн хоёр улсын харилцааг судалж, дипломат харилцаа тогтоосны 50 жилийн ойн (2022 оны 2-р сар) эргэлтийн мөчид Монгол Улс, хоёр орны харилцааны цаашдын хөгжилд юу шаардлагатай байгааг авч үзэх болно.

Өнгөрсөн: Дайтсан болон дипломат харилцаа тогтоосон түүх, Монгол Улс ардчилж, Япон улсын дэмжлэг

Одоогийн байдал: Буурч буй гуравдагч хөршийн онол, Хятад руу хандах хандлага, Японтой харилцах харилцааны өнөөгийн байдал

Ирээдүй: Монголын хөгжлийн зам (Чин гүрний үе рүү буцах эсвэл жинхэнэ тусгаар тогтнол), монгол залуучуудын хүлээлт, Японы үүрэг, хийж чадах зүйл

＜Лавлах материал＞

1) Т.Шимизү: Монголчууддаа хандаж хэлэх миний захиас
2) Шимизү: Чадварлаг ард түмэн яагаад ядуу байна гэдгийг бодох хэрэгтэй

3) Чуо Их сургуулийн Монгол семинар Instagram хаяг：Mongolia_chuo　

2. “Монголын тал цөлжиж байгаа юу?”

 Накано Томоко (Чуо их сургуулийн Эдийн засгийн факультетийн профессор)

Монгол улс хуурай, хагас хуурай газар нутагт оршдог тул нийт нутгийн 80% нь тал газар байдаг. Тиймээс нүүдэлчид эрт дээр үеэс уламжлагдан ирсэн бөгөөд энэ нь өнөөг хүртэл үндсэн салбаруудын нэг хэвээр байна. Гэсэн хэдий ч сүүлийн жилүүдэд цаг уурын өөрчлөлт (дэлхийн дулаарал) болон малын бэлчээрийн даац хэтрэх зэргээс шалтгаалан өвс ургамал доройтож, цөлжилт улам бүр өргөжиж байна гэсэн түгшүүр байна. Тиймээс бид цаг уур, ургамал, малын тооллогын мэдээлэлд дүн шинжилгээ хийж, Монгол улсад болж буй бодит үзэгдлийг ойлгосон. Монгол Улсад сүүлийн 40 жилийн турш агаарын хэм нэмэгдэж, төв хэсэгт хур тунадас буурчээ. Түүнчлэн, малын тоо толгой бүс нутаг даяар, ялангуяа нийслэл Улаанбаатар хотын захын бүсэд өссөн байна. Нөгөөтээгүүр газрын гадарга дээрх ургамлын хэмжээ багассан газрууд хязгаарлагдмал байсан бөгөөд харин ч эсрэгээрээ ургамлын хэмжээ ихэссэн газрууд олон байсан нь “цөлжилт явагдаж байна” гэсэн ерөнхий ойлголтоос өөр байв. Хур тунадас багасаж, мал ихсэж, ургамал багасаж байгаа газрууд үргэлж ижил байдаггүй тул Монгол орны бэлчээрийн талбайн өөрчлөлтийг эргэн харах шаардлагатай байна.

2 дахь өдөр (5-р сарын 4, 13:30 – 15:10)

ZOOM URL: https://bit.ly/3vkcDZP

Мeeting ID: 940 9644 6516 

Нууц код: Haruma2021

3. “Автобус, хуушуурны үнэ 1 төгрөг байхад – Ардчиллын дараах Монголоос өнөөгийн Монгол хүртэлх өөрчлөлтийг эргэцүүлэх нь “

Арай Юкиясу (Хоккайдо Их Сургуулийн Славян Судлалын Төвийн 21-р зууны COE судлаач, Хитоцубаши их сургууль, Шибаура технологийн дээд сургууль, Аояма Гаку ин их сургуулийн орон тооны бус багш)

Би Монгол Улстай амьдралаа холбоод 30 гаруй жил гаран болсон байна.

Би 1992 оны 7-р сараас 1993 оны 8-р сар хүртэл бага дунд сургуульд япон хэл заахаар Монголд очсон. Жилийн туршид болсон өөрчлөлтүүд бол миний Японд амсаж чадахгүй байсан зүйлс байсан. Гиперинфляци, багш нарын ажил хаялт, автобусны зогсоол дээр зогсдоггүй автобус … Одоо эргээд бодоход маргааш яг ижил зүйл үргэлжилнэ гэсэн нийгмийн үзэл бодлыг өөрчилсөн юм шиг санагдаж байна.

Үүний дараа Монгол Улсад 2004-2005 он хүртэл үлдэж, дараа нь жилд хоёр удаа ирж буцдаг байсан. Дараа нь 2020 онд би 21-р зуунд анх удаа Монгол руу явахгүй нэг жилийг өнгөрөөв.

1992, 2004, одоо Монгол Улсад томоохон өөрчлөлтүүд гарч байна. Тэр үеэс өнөөг хүртэлх Монголын нийгэмд гарсан өөрчлөлтүүдийн талаар хувийн туршлагын хамт ярих болно.

4. “Орчин үеийн монгол сүүний соёл – Баруун Монголд сүүн бүтээгдэхүүн үйлдвэрлэх нь”

Тэрао Моэ (Токио Метрополитан Их Сургуулийн Хүмүүнлэгийн ухааны дээд сургуулийн судлаач)

Монголд өсгөсөн малын төрөл, цаг уурын байдлаас шалтгаалан төрөл бүрийн сүүн бүтээгдэхүүн үйлдвэрлэдгээс Гүүний айраг л манай улсад сайн танигдсан. Үүнээс гадна хүнсний соёл, материаллаг соёлын өөрчлөлт нь сүүн бүтээгдэхүүн үйлдвэрлэх, ашиглах арга хэлбэрийг олон янз болгосон.

Энэ удаад би Монгол улсын баруун хойд хэсэгт орших Увс аймагт амьдардаг Баяд үндэстний хийдэг сүүн бүтээгдэхүүн үйлдвэрлэлийн талаар ярилцмаар байна. Тэд гүү саадаггүй, гүүний сүү хэрэглэдэггүй тул үнээ, ямааны холимог сүүгээр цагаан идээ, айраг исгэж цааш нь нэрж шимийн архи, цаашлаад төрөл бүрийн сүү сүүн бүтээгдэхүүн үйлдвэрлэдэг. Энэхүү илтгэл дээр мал аж ахуй эрхэлдэг өрхүүд гүүний нэрмэл архи болон сүү сүүн бүтээгдэхүүн үйлдвэрлэх гэж хэрхэн ажиллаж байгаа, уламжлалт зан заншил хэрхэн өвлөгдөж ирсэн, тэдгээр нь хэрхэн яаж өөрчлөгдөж байгааг лекторийн өөрийн антропологийн хээрийн ажил, судалгааны материал дээр үндэслэн танилцуулах болно.

Бүгдээрээ сайн байна уу?

Япон, Монголын найрсаг харилцааг дэмжих зорилгоор 20 жилийн турш жил бүр зохион байгуулагдаж ирсэн Хаврын баяр энэ жил шинэ төрлийн коронавирус КОВИД-19 халдварын тархалттай холбоотойгоор онлайнаар зохион байгуулагдах билээ. Энэ жилийн сэдэв бол Одоо учраас л Монгол! ～Мэддэг юм шиг хэр нь мэддэггүй тэр соёл болон аж амьдрал～

Бид Монгол, Япон ардын хувцасны загварын шоу, ардын хөгжмийн тоглолт, Монгол хоолны тухай, Монгол сумогийн талаар, виртуал Хархорин гэх мэт видео бичлэгүүдээр Монгол соёлын сэтгэл татам хэсгүүдийг хүргэх болно. Цахимаар зохион байгуулагдах тул та Японы хаанаас ч, мөн Монголоос ч үнэ төлбөргүй үзэх боломжтой. 

Мөн, 5-р сарын 3,4-ний өдрүүдэд эдгээр видео контентуудын хооронд “10 секундийн реклам” цацагдах юм. Хэрвээ та Монгол улстай холбоотой бизнес эрхэлж байгаа бол 10 секундийн рекламаар өөрийн хийж буй зүйлээ сурталчилж, Япон дахь хамгийн том Монгол наадмын нэг хэсэг болох энэ боломжийг бүү алдаарай. 

Дэлгэрэнгүй: 

■Зорилтот хэсэг: Монгол улстай холбоотой бизнес, үйл ажиллагаа эрхэлдэг компани эсвэл хувь хүмүүс

■Рекламын үнэ: 10,000 иен (татвар багтсан) *”10 секундийн реклам”-ийг 5-р сарын 3,4-нд Хаврын баярыг дамжуулах үеэр 2 удаа цацна. 

■10 секундийн видеог (гар утсаар бичсэн байсан ч болно) 4-р сарын 30-ны дотор дараах хаягаар илгээнэ үү.  

Хэрэв та 10 секундийн реклам цацуулахыг хүсвэл, эсвэл илүү дэлгэрэнгүй мэдээлэл авахыг хүсвэл мэйлээр бидэнтэй холбоо барина уу. Баярлалаа. 

Лавлах / реклам видео илгээх хаяг: pamphlet.harumatsuri@gmail.com

ХАВРЫН БАЯР ЗОХИОН БАЙГУУЛАХ ХОРОО

Онлайнаар зохиогдохоороо онцлог энэ жилийн хаврын баяр болоход 1 сар үлдэхгүй хугацаа үлдлээ. Японд суралцаж буй оюутан залуус, Монголд элэгтэй Япон хүмүүстэйгээ бэлтгэлээ бид хангасаар байна.

Жил болгон эрхлэн гаргадаг хаврын баяр сэтгүүл маань онлайнаар зохион байгуулагдахтай уялдан энэ жил хэвлэгдэхгүй өнжих юм. Тиймээс өмнөх жилүүдэд сэтгүүл дээр зар сурталчилгаагаа байршуулдаг байсан та бүхнийгээ оронд нь энэ жил онлайн ивэнтээ дэмжиж хандив өгөхийг уриалж байна. 2000 иэнээс эхлэн 4000, 6000 гэх мэт боломжоороо оролцох боломжтой. Таны хандив 100% контент бүтээх гэх мэт үйл ажиллагааны зардал болж, улам гоё 「Хаврын баяр」-г бүтээхэд гар бие оролцсон гэсэн үг болох юм шүү.

Хаврын баярын зохион байгуулах багийн гишүүн бид бүгд 1998 оноос зохион байгуулагдаж ирсэн энэ баяраа, мөн Монгол соёлоо Япон, цаашлаад дэлхийн өнцөг булан бүрт суугаа хүмүүст хүргэх боломж гэж харан чин сэтгэлээсээ хичээн ажиллаж байна.

Хандивын нэгж : 2000 иен

Хандивын данс : Банк – Мицүбиши Юү Эф Жи банк (MUFJ), Салбар – Коганэи(小金井支店)

Дансны дугаар – энгийн данс 1010567

Дансны нэр – Хаврын баяр санхүү албаны дарга Цогтсайхан Эрхэмбаяр (ハワリンバヤル　ザイムブダイヒヨウ　ツオグトサイハン　エルヘムバヤル)

Нэмэлт тодруулга авах/холбогдох: pamphlet.harumatsuri@gmail.com

*Хаврын баяр нь хандивт татварын хөнгөлөлттэйнөхцөл үзүүлдэг олон нийтийн ашиг сонирхлыг дэмжих газарт хамаарагдахгүй юм.

“Хаврын баяр 2021” цахимаар зохион байгуулагдана.

Монгол Японы хоёр орны найрсаг харилцаанд өөрсдийн хувь нэмрээ оруулъя гэсэн зорилгоор Япон дахь Монгол Оюутнуудын санаачлалаар зохиогдож ирсэн “Хаврын баяр” энэ жил 2021 оны 5 сарын 3, 4ний 2 өдөр цахим хэлбэрээр зохион байгуулагдахаар боллоо.

За ингээд энэ жилийн сэдэв бол

Цахимаар зочлох Монгол соёл

~ Мэддэг юм шиг хэрнээ мэддэггүй тэрхүү соёл, амьдрал~

Өнгөрсөн жил корона вирусийн тархалттай холбоотойгоор зохион байгуулагдаж чадаагүй ч, энэ жил хаврын баяраа зохион байгуулмаар байна гэсэн хүслээр цахим хэлбэрээр зохион байгуулагдах нь шийдэгдлээ. Дэлхий нийтээрээ хэцүү байгаа энэ үед Монгол фестивалиа сайхан өнгөрүүлээсэй гэж хүсэн, хамтдаа баярлах боломжийг бүрдүүлж хүн болгоны мэддэг юм шиг хэр нь, цаад үндэс гарлыг нь хараахан мэдээгүй байж болох Монгол соёл болон аж амьдралын талаар танилцуулахаар боллоо.

Сэдэв: 20 дахь удаагийн Хаврын баяр 2021

「Цахимаар зочлох Монгол соёл ~ Мэддэг юм шиг хэрнээ мэддэггүй тэрхүү соёл, амьдрал~」

Хэзээ: 2021он 5 сарын 3 (Даваа), 4(Мягмар)

               13 цаг ~ 17цаг

※Цаг нь өөрчлөгдөх магадлалтай. Хөтөлбөр тун удахгүй зарлагдах болно.

Хаана: YoutubeLive、FacebookLive、Zoom зэрэг программуудаар цацагдана.

Ийм байдалтай байгаа тусам, жил болгон Хаврын баярт хүрэлцэн ирдэг болон, энэ жил анх удаа хүрэлцэн ирэх та бүгдтэйгээ цахимаар уулзан золгохыг хүсэж байна.

Ингээд та бүхэнтэйгээ Хаврын баяраараа уулзацгаая!

ХАВРЫН БАЯР ЗОХИОН БАЙГУУЛАХ ХОРОО