ЗБХ-ны Тэргүүний мэндчилгээ

Сайн байцгаана уу?

Та бүхний лагшин тань тунгалаг байна уу?
Жил бүрийн хавар дэнж ногоорч дэлхий цэцэглэх цагаар ах дүү монгол түмнээрээ учран золгож уулзан баясдаг "Хаврын баяр" маань энэ жил найм дахь удаагаа зохиогдлоо.
Японд суралцаж байгаа Монгол оюутнууд бидний зохион байгуулдаг энэхүү баяр маань эх орныхоо соёл, зан заншил, Монгол ахуйгаа Японы ард түмэнд харуулах, Японд Монголыг  таниулан сурталчлах  хамгийн том арга хэмжээ болдог билээ.

Жил бүр хүрээгээ тэлж, агуулга нь баяжиж байгаа  хаврын баяр маань энэ жил
"Хаврын баяр-2007" нэртэй Монгол- Японы найрамдалт харилцаа тогтоосны 35 жилийн
ойн дээр болсноороо онцлогтой.

"Хаврын баяр-2007"-г зохион байгуулалцсан нийт оюутнууд, бидэнд тусалсан
сайхан сэтгэлт япончууддаа болон санхүүгийн дэмжлэг үзүүлсэн бүх хүмүүстээ чин
сэтгэлийн халуун талархал илэрхийлж байгааг минь хүлээн авна уу?

Японы бүх нийтийн амралтын өдөр "Алтан долоо хоног"-оороо
цаг заваа тохируулан "Хаврын баяр-2007"-д  морилон саатсан та бүхэнд баярлалаа.

Ирэх жилийн хавар дахин уулзахын ерөөлийг өргөн дэвшүүлье.

"Хаврын баяр-2007"-г Зохион байгуулах хороо
Б.Мөнхтуг

Газарч

Тоокёо хот, Нэрима дүүрэг, Хикаригаока цэцэрлэгт хүрээлэн, Кэяки талбай

(То-эй метро, Ооэдо шугам, "Хикаригаока" өртөөнөөс 5 минут алхана. )

Машины зогсоол байхгүй тул машинаар ирэхгүй байхыг хүсч байна.

Баярын үеэрх арга хэмжээний танилцуулга

「Монгол Коллеж 2007」
～ Ирээдүй хойч үедээ Монголын байгалийг хадгалан үлдээе ～
”Байгаль орчин” -ийг сэдэв болгон ярих Монголч эрдэмтэн багш нарын яриаг сонсож, Монголын ирээдүйн талаар тунгаацгаая.

Эх орныхоо талаар улам ихийг мэдэж авах ховорхон боломж ！

＜Лекторууд ＞
１）Катоо Шинпэй （ Улс судлалын их сургуулийн профессор, архилеогич ）
＊ Лекцийн сэдэв 「 Аврагын балгас болон Монголын эртний дурсгалыг хадгалах 」

２）Комия Ямахака （ Хөдөө аж ахуйн яам, Олон улсын хөдөө аж ахуй, ой мод, далайн бүтээгдэхүүн судлалын алба, Олон улсын хөгжлийн бүс, Ахлах судлаач ）
＊ Лекцийн сэдэв 「 Монголын бэлчээрийн өнөөгийн байдал, тулгамдсан асуудлууд, болон ирээдүй 」

３）Тории Ясүёши （ Япон Их сурууль, Амьд биетийн баялагийн факультет, Хүнсний бүтээгдэхүүн судлал, Хүнсний бүтээгдэхүүн судлалын лабораторийн үндсэн профессор ） лекцийн сэдэв - тодорхой бус.

※ Хэрэглэсэн зураг нь төсөөлөл гаргасан төдий зүйл болохыг анхаарна уу.

「 Монгол музей 」
Хүрэлцэн ирсэн зочдод Монголыг бага ч болов мэдрүүлэх булан.

Монгол-Японы дипломат харилцаа тогтсоны 35 жилийн ойд зориулан өнөөг хүртэлх 2 улсын хоорондын харилцааг дүрсэлсэн самбарууд болон байгалийн сэдвийг голчилсон гэрэл, гар зургийн гадаа үзэсгэлэнгүүд тавигдана.

Монгол бичиг, Хайкү шүлгийн тэмцээний бүтээлүүдийн булан
Кирилл үсгийг өдөр тутмын хэрэгцээнд хэрэглэж байгаа боловч, та бид эртнээс уламжлагдан ирсэн уйгаржин монгол бичгээ мартаж үл болно. Гэрийн дотор үзүүлэн болгон тавирдах хуучин Монгол бичгээ харан, өөрсдийн нэрээ ч бийрээр бичээд авцгаая ！

Хайкү шүлгийн тэмцээний талаар эндээс

Үндэсний хувцасны булан

Уламжлалт сууц болох 「Гэр」-т тавигдах үндэсний хувцас-дээлнүүдээс өөрийн хүссэнийг сонгон үнэ төлбөргүйгээр өмсөж үзэх боломжтой.

Түүнээс гадна Японы кимоно ч бас тавиглах учраас хүрэлцэн ирсэн Монголчууд маань кимоно өмсөөд үзэж чадах юм.

Монгол тоглоомын булан

Уудам хээр талд амьдардаг хүүхдүүд ямар тоглоомоор тоглодог юм бол? Монголын өвөрмөц тоглоом болох Шагай -гаас эхлээд Монгол тоглоомыг тоглож үзэх булан

　　　　　　　　　　　　　　　 Монголын талаарх мэдлэгийн - Тамгатай уралдаант таавар

Баярын үеэр булан бүрд Монголтой холбогдолтой сонирхолтой асуултууд болон тамга тавигдах болно. Баярыг сонирхонгоо асуултуудад хариулан, хүлээн авах дээр тараах цаасыг тамгалж явна. Бүх хариулт зөв байвал аз дайрч шагнал авах ч юм билүү ！ Монголын талаар санаанд оромгүй шинэ зүйлсийг мэдэж авцгаая ！

　　　　　　　　　　　　　　　「 Монголын ирээдүйн талаар ярилцацгаая ！！！」　　

Ихэвчлэн монгол хэл дээр явагдах бөгөөд харилцан санаа бодлоо солилцох ярианы талбар. Японд суралцаж буй Монгол сэмпай нарыхаа туршлага, амжилтын үндэс, санаа бодлоос хуваалцан, хамтдаа ирээдүйн монголын талаар халуун яриа өрнүүлцгээе ！

Монгол маркны үзэсгэлэн : ЯМОХ 　

Дэлхийн хамгийн том марк, Сумо-гийн их аварга Ёкозүна Асашёорюү-гийн марк гэх мэтчилэн дэлхийд гайхагдах Монголын үнэт маркуудыг та бүхэнд танилцуулах гэж байна. Зарим маркуудыг худалдаалах тул сэтгэлд таалагдсан марк гарч ирвэл худалдан авна уу.